創業，攪邊D？

創業近年大行其道，相信有部份想創業既人都會思考住一個問題，我想創業，但又未諗到可以做咩業務？(老實講，如果未搵到答案，我相信好大程度應該係其實你未Ready去創業，自己未有方向，未有特別一技之長，未有豐富既見識，未有充足既人脈，咁倒不如找個有興趣既行業去打工，再去學習摸索亦都未遲)其實大部份人創業不外乎，做自己攻讀專業既相關業務，做自己曾經工作多年既相關範疇業務，自行研發新既服務或產品，引進外地既新鮮事物等。不過話分兩頭，其實有時要找創業點子又唔使太複雜既，有時靈光一閃，意念就出黎，又或者最終同你所修讀既專業或所有既工作經驗毫無關係，或者意念根本就藏响你生活之中。玩都可以賺錢?每人都可能有一技之長，如何令自己一技之長可以謀生甚至發展成為公司業務？如會計師醫生，會開設自己既會計師事務所及醫務所。但這似乎只是高材生既機會，那如果沒有一技之長，只係懂得玩樂又如何？