唔識social的social media

盲目開唔同的social media account但係又唔識運用、然後疏於管理的話，其實，仲衰過唔開呀。買followers買likes，雖然好平，幾蚊幾十個，幾百蚊幾千個，但係除左睇起上來感覺好似好D之外，對實際的engagement毫無幫助。 做social media管理的朋友，可以不停問自己，究竟開個social media平台係做咩，平時想講咩，要講比邊個聽。如果成日出post得太頻密又或者太疏，post的內容或質素又太hea或者太嚴肅唔對題的話，通通都會影響viewers睇果陣時的感覺，同對你個page的觀感。

個page成日只係出sales promotion的post，出果個覺得work，點知其實效果奇差，viewers睇得多硬銷廣告都就覺得反感啦！有人仲會用「hot topic marketing」，運用社會上很多人在討論的時事、gossip或爭議的議題，來配合自身的服務和產品，再引用當中一些熱話的element來順便抽抽水，最後重點才帶出自身的服務或產品，例如之前有火鍋店，推出一款聲稱兩個人食都會夠錢比、唔駛打架的二人套餐，就係抽水marketing啦！ 宜家，資訊超級超級無敵flooding，每日都有新post、新平台、新app面世，所有人包括你同我的專注力都愈來愈有限，耐性愈來愈短，關注的事愈來愈多，了解深入程度卻愈來愈淺，產品週期愈來愈短，用戶根本唔會忠心，因為一雞死一雞鳴，唔會搵唔到代替品。所以，所有media同公司的branding specialist，都想 keep住同你(地)保持頻率高而又有質素的 interactions，style仲要係fast, fun and easy。因為，如果唔夠快唔夠得意唔夠易入口的話，好快會比人淘汰、比人遺忘。至少，亦會比為數不少的人因為你唔夠出而放棄認識你。

有咩想講？比邊個睇？內容點整？諗清楚先做吧！

文章來源: http://yes-news.com/68746/%E5%94%94%E8%AD%98social%E7%9A%84social-media